O'zbekiston bayrog'i – mustaqillik timsoli, ezgulik, tinchlik ramzidir!

LONDON, 20-noyabr. /"Dunyo" AA/. O'zbekiston elchixonasi tomonidan Davlatimiz bayrog'i qabul qilinganining 33 yilligiga bag'ishlangan ma'rifiy tadbir o'tkazildi, deb xabar qilmoqda "Dunyo" AA muxbiri.

Britaniyada istiqomat qilayotgan vatandoshlar ishtirokida bo'lib o'tgan anjumanda "O'zbekiston Respublikasining Davlat bayrog'i to'g'risida"gi qonuni tarixi va mazmun-mohiyati haqida so'zlab berildi. Mamlakatimiz bayrog'i mustaqillik timsoli, tinchlik va barqarorligimiz timsoli ekanligi qayd etildi.

Vatandoshimiz Zamira Ortiqova o'zining qutlov nutqida, mustaqilligimiz ramzlaridan biri bo'lgan bayrog'imiz 33 yildirki xalqaro maydonda O'zbekiston nomini ifodalab kelayotganini ta'kidladi. "O'zbekiston bayrog'ini qayerda ko'rmaylik, qalbimizda iftixor, g'urur va iliqlik paydo bo'ladi", - dedi u.