Britaniya kompaniyasi O'zbekistonda ko'p tarmoqli tibbiyot markazlarini davlat-xususiy sheriklik asosida boshqarishi mumkin

LONDON, 11-avgust. /"Dunyo" AA/. O'zbekiston elchisi Ravshan Usmanov Buyuk Britaniyaning "International Hospitals Group" kompaniyasi bosh direktori Chester King bilan onlayn shaklda muzokara o'tkazdi, deb xabar qilmoqda "Dunyo" AA muxbiri.

Muloqot chog'ida IV Toshkent xalqaro investitsiya forumida doirasida O'zbekiston Prezidenti Shavkat Mirziyoyev bilan bo'lib o'tgan uchrashuvda erishilgan kelishuvlarning ijrosi ko'rib chiqildi.

Shuningdek, Britaniya kompaniyasining klinika qurish rejalari, shuningdek, O'zbekistondagi ko'p tarmoqli tibbiyot markazlarini davlat-xususiy sheriklik asosida boshqarish masalalari muhokama qilindi.

"International Hospitals Group" kompaniyasi tibbiyot muassasalarini loyihalashtiradi, quradi, jihozlaydi va boshqaradi. Kompaniyaga 1972 yilda asos solingan. "International Hospitals Group" dunyoning 55 mamlakatida bor.