КОРОНАВИРУС ПАНДЕМИЯСИ ПАЙТИДА ЎЗБЕКИСТОН РЕСПУБЛИКАСИГА КИРИШНИНГ ЯНГИ ТАРТИБИ

         Республика махсус комиссиясининг 2020 йил 18 декабрдаги 55-сон баёни билан жорий этилган Ўзбекистон Республикасига ҳаво, темир йўл транспорти ҳамда чегара пунктлари орқали ташриф буюраётган барча шахслардан ўз ҳисобидан аэропорт, темир йул вокзали ёхуд чегара пункти ҳудудида коронавирус инфекцияси антигенини аниқлаш экспресс тест олиш тартиби 2021 йилнинг 15 мартидан бошлаб бекор қилинди

         Ҳаво ва темир йўл қатновлари орқали ташриф буюраётган шахслар Ўзбекистан Республикасига келиш учун ҳаво ёки темир йўл қатновига рўйхатдан ўтишдан олдин сўнгги 72 соатдан кўп бўлмаган муддатда коронавирус инфекциясига фақат ПЗР (полимера занжирли реакация) орқали текширилиб, манфий кўрсаткичга эга деб топилган маълумотномани тақдим этиши талаб этилади.

         Автойўл чегара ўтказиш пунктлари орқали Ўзбекистан Республикасига кириб келаётган шахслар томонидан сўнгги 72 соатдан кўп бўлмаган муддатда коронавирус инфекциясига ПЗР (полимера занжирли реакация) орқали текширилиб, манфий кўрсатгичга эга деб топилган маълумотномани тақдим этилганда ёки ПЗР натижаси бўлмаган ҳолларда чегара ўтказиш пунктларида фаолият юритадиган махсус клиника ёки лабораторияларда коронавирус инфекцияси антигенини экспресс тест текшируви орқали манфий натижа кайд этилган маълумотиома тақдим этилган тақдирда Ўзбекистан Республикаси ҳудудига киритилади.

         Коронавирус инфекциясига ПЗР текширувлари натижалари инглиз ёки рус тилларида бўлиши талаб этилади ҳамда ҳаво ёки темир йўл қатновига рўйхатдан ўтишдан олдин тегишли авиа ёки темир йўл компаниялари ходимлари томонидан, Ўзбекистан Республикаси ҳудудида эса, тегишли аэропорт, темир йўл вокзали ҳамда автойўл чегара ўтказиш пунктларида фаолият кўрсатувчи санитария-эпидемиология хизмати томонидан назорати қилинади.

         Автойул чегара ўтказиш пунктлари орқали кириб келаётган Ўзбекистан Республикаси фуқаролари ва фуқаролиги бўлмаган шахсларда коронавирус инфекцияси антигенини экспресс тест текшируви натижасида мусбат натижа қайд этилган ҳолларда белгиланган тартибда тегишли ҳудудда жойлашган тиббиёт муассасасаларига юборилади;

         Ўзбекистан Республикасининг Сух тумани, Шохимардон, Чункара Тоштепа аҳоли пунктларига (кейинги ўринларда - алохида ҳудудлар) киришда ҳамда алохида ҳудудлардан Ўзбекистон Республикаси томон транзит тарзида бораётган Ўзбекистон Республикаси фуқароларидан коронавирус инфекциясига барча турдаги тест таҳлилларини топшириш талаб этилмайди.

         2021 йилнинг 25 мартидан бошлаб хорижий мамлакатлардан Ўзбекистон Республикасига ташриф буюрувчилардан фақат тан олинган лабораторияларнинг коронавирус инфекциясига ПЗР текширувларибилан ҳаво ёки темир йўл қатновига рўйхатдан ўтказилади ёхуд автойўл чегара ўтказиш пунктлари орқали Ўзбекистон Республикасига коронавирус инфекцияси антигенини экспресс тест текшируви ўтказмасдан киритилади.